ساعدوني امي احترقت محتاجة مساعدتكم

الله يبعد عنكم الشر امي احترقت وديناها مستشفى السلمانية قرروا يسوون عملية ترقيع ضروري في يدها لان حروق الدرجة الثالثة الله يبعد الشر عنكم تحتاج الى عملية

المشكلة شكل ترقيع اثر في نفسية امي ما ترضى تطلع من البيت حتى امها ما تزورها منحرجة من شكل يدها

وما تم دكتور ما رحناه اول شي عيادة الدكتور شهيد فضل قال لنا روحوا السلمانية ليش تخسرون وياريت ما سمعنا كلامه ضياع الوقت على الفاضي

وبعدها عيادة عبير الكبيسي قالت ما لها علاج غير لصقات وانا سويت بحث محد مدحهم بس الحق دكتورة عبير امينة وما خذيت علينا فلوس قالت ما اقدر افيدكم ما عندي علاج

اخر شي رحنا جانج ابن النفيس دفعنا 600 دينار ولا تغير شي مع العلم استخدم ليزر وابر

امي طالبتكم اذا تعرفون كريم او مرهم على الاقل يحسن من شكل الجلد او يقلص ندبات الحروق كاسرة خاطري من تشوف يدها تكره الدنيا واشوف في عينها دموع بس ما تصيح جدامي ما تبي تبين انها تعاني ارجوكم ساعدونا

via منتديات كويتيات النسائية http://www.q8yat.com/showthread.php?t=1150001&goto=newpost