تجربتي لكريم حنان للوجه (بياض نضاره تسمين )

السَّلامُ عَلَيْكُمْ وَرَحْمَةُ اللَّهِ وَبَرَكاتُهُ

بنات انا استفدت من هالمنتدى وايد فحبيت كل مااجرب شي

واستفيد منه احطه هني

قبل سنتين كنت ادور شي يكبر الخدود قريت

عن كريم حنان رحت للعطار وشريته

لقيت مكتوب عليه طبيعي 100٪

وقريت كل مكوناته زبده الكاكاو رالضان وغيره من الزبدات وتطمنت انه طبيعي

رحت حطيته على وجهي وادلك وانا احط

بعد جم يوم لاحظت البشره روعه وتهبل ونضاره وحسيت الخدود سمنت

رحت بيت جدتي الكل مجتمع بنات خالاتي وخالاتي

والله بنات هم حيل يهتمون بس منصدمين مني ويطالعون ومتعجبين مني

ويسالون شنو السر بجمالج اليوم ؟ هههه انا ابتسم

وخالتي حيل اتطالع وبناتها ولا وحده تقول السر بكريم الاساس

حلووو ومطعي نظاره جان اقول مو حاطه اساس

طبعا انا كنت حاطه شوي من كريم حنان عطاني نضاره

حيل وحطيت بيسك قتلهم ان حاطه بيسك

وحطيت حمره حلوه طلع شكلي حلووو

وكل ماله النتيجه اروع بس الظاهر اني ماكنت اهتم بغسول البشره يومي

وتونك وهالشغلات وانا اساس بشرتي قبل شوي دهنيه وعالجتها

بس المشكله بنات ان طلعت حبوووب فظيعه بوجهي

انا ماادري من سوء استخدامي ولا ان الكريم ثقيل وفيه دهون كثيره

وماناسب بشرتي سبب لي حساسيه وزياده دهون

ولا شنو بالضبط ماني عارفه بس مو قادره اكرر التجربه مره ثانيه ع وجهي

لان تخيلوا بنات صارلي سنتين والله العظيم للحين حبوب بخدودي !!!!

حتى لو تروح الحبوب يظل اثر وخدودي فيها مثل حبوب لونهم وردي او اثرهم ماراح سنتين

اليوم قعدت اتذكر وطلعت الكريم وحطيت على مؤخرتي قلت دامه طبيعي ويسمن ويرطب

رحت حطيته بس ماادري خاايفه يصير فيني شي شكلي بروح بتوكل على الله واجرب

عالاقل هالمنطقه جافه مايطلع فيها حبوب وفيها خطوط بيضا والكريم يبيض فيمكن تروح ويتوحد اللون

عاد الحواي سالته يصلح للجسم قال لا هو للوجه انا قاعد اغامر بنفسي بجرب دامه طبيعي

لان النتايج الي طلعت فيها قبل والله رووووعه وعجيبه ونفسي اكررها

وبس هذا اللي حبيت اوقله لكم

وهم بنات النتايج تفرق من وحده لوحده

على حسب كل وحذه ونوعيه بشرتها وجسمها يعني مو شرط اذا انا ضرني وطلعت حبوب

ان خلاص الكل تفس الشي لا يمكن انحسدت ههههه لان صج كان روعه وفزوا فيني بس يطالعون

ماطاحت عيونهم عني وكله يقولون لي بشرتج وبشرتج حتى امي حييل فرقت علي

هم انا قبل فتره اتعالج مع راقي محسوده على بشرتي الله المستعان

فماادي اذاا هو انحسدت عليه ولا شي غيره ولا هو ماناسب بشرتي ماني عارفه



via منتديات كويتيات النسائية http://www.q8yat.com/showthread.php?t=1149923&goto=newpost